საკონსტიტუციო სასამართლოში პრეზიდენტ სალომე ზურაბიშვილის იმპიჩმენტის შესახებ "ქართული ოცნების" კონსტიტუციური წარდგინების არსებითი განიხილვა მიმდინარეობს.

პრეზიდენტმა, რომელიც ზეპირ მოსმენას არ ესწრება, "ტვ პირველთან" მცირე კომენტარი გააკეთა.

"რაც იქნება, იქნება და ყველაფერი კარგად იქნება",- თქვა სალომე ზურაბიშვილმა, რომელმაც საკონსტიტუციო სასამართლოში თავისი წარმომადგენლები - თამარ ჩუგოშვილი და მაია კოპალეიშვილი გაუშვა.

რაც შეეხება კონსტიტუციური წარდგინების ავტორებს, მათი ნაწილი სხდომათა დარბაზში იმყოფება.