ევროპის თავდაცვის დამოკიდებულება აშშ-ზე უნდა შემცირდეს და ევროპამ არ უნდა უგულებელყოს თავდაცვის ვალდებულებები, - ამის შესახებ ჩეხეთის პრეზიდენტმა, პეტრ პაველმა განაცხადა.

პაველის თქმით, ნატოს წევრ ევროპულ ქვეყნებს დიდი ალბათობით თავიანთი კონტრიბუციის მშპ-ს 2%-ზე მეტად გაზრდა მოუწევთ.

ჩეხეთის პრეზიდენტმა ასევე ხაზი გაუსვა, რომ ალიანსის გაფართოებას მხარს უჭერს.

 "NATO-ს, როგორც უსაფრთხოების მთავარი მომწოდებლის როლი არ უნდა ნიშნავდეს, რომ ევროპამ თვალი დახუჭოს საკუთარ თავდაცვის ვალდებულებებზე", - განაცხადა პაველმა.