თელ-ავივში ისრაელის პრემიერ-მინისტრ ბენიამინ ნეთანიაჰუსა და ამერიკის შეერთებული შტატების სახელმწიფო მდივნის, ენტონი ბლინკენის შეხვედრა მიმდინარეობს. აღნიშნულ ინფორმაციას The Times of Israel ავრცელებს.

მედიის ცნობით, პირისპირ შეხვედრის შემდეგ ნეთანიაჰუ და ბლინკენი ჟურნალისტებისთვის განცხადებებს გააკეთებენ.

ცნობილია, რომ დაგეგმილია ასევე შეხვედრები მთავრობის წევრებთან.  

შეგახსენებთ, აშშ-ის სახელმწიფო მდივანი ენტონი ბლინკენი ისრაელს დღეს, 12 ოქტომბერს ეწვია.