საქართველოს პრეზიდენტი სალომე ზურაბიშვილი საქართველოში აშშ-ის ახალ ელჩს, რობინ დანიგენს შეხვდა. ამის შესახებ ზურაბიშვილი სოციალურ ქსელში წერს.

ზურაბიშვილის თქმით, ის საქართველოსა და აშშ-ს შორის ნაყოფიერი თანამშრომლობის გაგრძელებას მოუთმენლად ელოდება.

"საქართველოში აშშ-ის ახალდანიშნული ელჩის რობინ დანიგანისგან რწმუნებათა სიგელი მივიღე. მოუთმენლად ველი მჭიდრო თანამშრომლობას, საქართველოსა და აშშ-ს შორის ნაყოფიერი თანამშრომლობის გაგრძელებას და საქართველოს მომავლისთვის ამ გადამწყვეტ პერიოდში ჩვენი ძლიერი პარტნიორობის კიდევ უფრო გაძლიერებას", - წერს ზურაბიშვილი.