ისრაელში "ჰამასის" თავდასხმის შედეგად უკრაინის 12 მოქალაქე დაიღუპა. ამის შესახებ ინფორმაციას უკრაინის საელჩო ავრცელებს.

მათივე ინფორმაციით, 8 უკრაინელი ამ დრომდე დაკარგულად ითვლება.

"ისრაელში უკრაინის 12 მოქალაქე დაიღუპა, 8 უკრაინელი კი დაკარგულად ითვლება", - აცხადებს უკრაინის საელჩო ისრაელში.

ბოლო მონაცემებით, ღაზას სექტორში ისრაელის საპასუხო იერიშის შედეგად დაღუპულთა რიცხვი 1 203-მდე გაიზარდა. რაც შეეხება ისრაელს, ბოლო მონაცემებით, ქვეყანაში "ჰამასის" თავდასხმას 1 300-მდე ადამიანი ემსხვერპლა.