აშშ-მა ენერგეტიკული აღჭურვილობის შესაძენად და ენერგო სისტემის მხარდასაჭერად უკრაინას 522 მილიონი დოლარი გამოუყო. ამის შესახებ უკრაინის პრემიერ-მინისტრმა, დენის შმიგალმა განაცხადა.

შმიგალის თქმით, უკრაინა პარტნიორების მხარდაჭერის წყალობით მუშაობს, რომ დაძლიოს ერთ-ერთი ყველაზე რთული სეზონი და აღნიშნავს, რომ ქვეყანა ზამთრისთვის 100%-ით მზად არის.

„რთული ზამთრის ზღვარზე ვართ. ჩვენი პარტნიორების მხარდაჭერის წყალობით, ჩვენ ვმუშაობთ, რომ დავძლიოთ ერთ-ერთი ყველაზე რთული სეზონი ბოლო პერიოდის განმავლობაში. აღსანიშნავია, რომ ამ ზამთარში გვაქვს არა მხოლოდ ფინანსური მხარდაჭერა, არამედ ენერგიის აღდგენის საშუალებაც“, - განაცხადა შმიგალმა.