საქართველოს პარლამენტში პრეზიდენტის იმპიჩმენტის განხილვის პროცესი დაიწყო.

საკანონმდებლო ორგანოს პლენარულ სხდომათა დარბაზში იმყოფება პრეზიდენტი სალომე ზურაბიშვილი.

სხდომას არ ესწრება და კენჭისყრაში მონაწილეობას არ მიიღებს ოპოზიციის ნაწილი.

აღსანიშნავია, რომ პრეზიდენტის გადასაყენებლად 100 ხმაა საჭირო.

ცნობისთვის, პრეზიდენტის იმპიჩმენტის პროცესმა პარლამენტში მას შემდეგ გადაინაცვლა, რაც 16 ოქტომბერს საკონსტიტუციო სასამართლომ სალომე ზურაბიშვილის მიერ კონსტიტუციის დარღვევა დაადგინა.