ისრაელის თავდაცვის ძალების (IDF) წარმომადგენლის, დანიელ ჰაგარის განცხადებით, ღაზას სექტორში "ჰამასს" მძევლად 222 ადამიანი ჰყავს აყვანილი. ამის შესახებ ინფორმაციას The Times of Israel-ი ავრცელებს.

როგორც ჰაგარი ამბობს, ისლამისტური დაჯგუფების მიერ ტყვედ აყვანილი ადამიანების ოჯახის წევრები ინფორმირებული არიან.

მისივე თქმით, მძევალთა რიცხვში არ შედის ჯუდით რაანანი და მისი ქალიშვილი ნატალი, რომლებიც პარასკევს ღამით "ჰამასმა" გაათავისუფლა.