გაეროში ისრაელის ელჩმა, გილად ერდანმა ანტონიო გუტიერეშის გადადგომა მოითხოვა.

ეს მოწოდება მან მას შემდეგ გააჟღერა, რაც გუტიერეშმა განაცხადა, რომ "ჰამასის" თავდასხმები "ვაკუუმში" არ მომხდარა.

"არ არსებობს გამართლება და არ აქვს აზრი იმათთან საუბარს, ვინც იჩენს გულისხმიერებას ისრაელის მოქალაქეების წინააღმდეგ ჩადენილი საშინელი ქმედებების მიმართ", - განაცხადა ელჩმა.

ცნობისთვის, დღეს გაეროს გენერალურმა მდივანმა, ანტონიო გუტიერეშმა ნიუ-იორკში მიმდინარე გაეროს უსაფრთხოების საბჭოზე სიტყვით გამოსვლის განაცხადა, რომ ჰამასის თავდასხმები "ვაკუუმში არ მომხდარა" და პალესტინელები "56 წელია ოკუპაციას ექვემდებარებიან".