"ჰამასი" არ არის ტერორისტული ორგანიზაცია, ეს არის მოჯაჰედების ჯგუფი, რომელიც იცავს თავის მიწებს,- ამის შესახებ თურქეთის პრეზიდენტმა, რეჯეფ თაიფ ერდოღანმა პარლამენტში სიტყვით გამოსვლისას განაცხადა.

ერდოღანის თქმით, ის "არაადამიანური ომის" გამო ისრაელში ვიზიტს აუქმებს.

„თქვენ შეგიძლიათ დასავლეთთან ერთად „ჰამასი“ ტერორისტულ ორგანიზაციად განიხილოთ. დასავლეთი თქვენთან დიდ ვალშია, მაგრამ თურქეთს თქვენი ვალი არ აქვს... ჩვენ გვქონდა ისრაელში წასვლის გეგმა, მაგრამ ის გაუქმდა, ჩვენ არ წავალთ“,- მიმართა ერდოღანმა ისრაელს.