უნგრეთი ევროკავშირის პრობლემა ხდება, რომელიც უნდა გადავჭრათ, - ამის შესახებ ესტონეთის პრემიერ-მინისტრმა, კაია კალასმა განაცხადა.

კალასის თქმით, ევროკავშირში განსხვავებული მოსაზრებები აქამდეც არსებობდა, თუმცა ერთიანობის შენარჩუნება მოხერხდა, მაგრამ "უნგრეთთან მიმართებაში ეს უფრო და უფრო რთულდება".

"ეს [უნგრეთი] ხდება პრობლემა, რომელიც ჩვენ უნდა გადავწყვიტოთ. ჩვენ ადრეც გვქონდა განსხვავებული მოსაზრებები და მოვახერხეთ ერთიანობის შენარჩუნება, მაგრამ უნგრეთთან მიმართებაში ეს უფრო და უფრო რთულდება", - განაცხადა კალასმა.