ჩვენ ეტაპობრივად ვაფართოებთ სახმელეთო მოქმედებებს და ჩვენი ძალების რაოდენობას ღაზას სექტორში,- ამის შესახებ ისრაელის თავდაცვის ძალების (IDF) სპიკერმა, დანიელ ჰაგარიმ განაცხადა.

ჰაგარის თქმით, სახმელეთო ოპერაცია რთულია და ისრაელის თავდაცვის ძალებისთვის რისკებს შეიცავს.

„ჩვენ ყველაფერს გავაკეთებთ ჰაერიდან, ზღვიდან და ხმელეთიდან ჩვენი ძალების უსაფრთხოების უზრუნველსაყოფად და ომის მიზნების მისაღწევად",- ამბობს ჰაგარი.