უკრაინის საგარეო საქმეთა მინისტრის დიმიტრო კულებას თქმით, უკრაინა აგრესორი რუსეთის წინააღმდეგ ბრძოლაში საერთაშორისო დახმარების შემცირებას არ გრძნობს. ამის შესახებ კულებამ გერმანულ მედიასთან ინტერვიუში განაცხადა.

კულებას თქმით, ოფიციალურმა კიევმა მიიღო დაპირება ყველა დონეზე, რომ უკრაინის დახმარება გაგრძელდება.

უკრაინის საგარეო საქმეთა მინისტრი ახლო აღმოსავლეთში განვითარებულ მოვლენებსაც გამოეხმაურა და გამოთქვა იმედი, რომ სიტუაცია უფრო მეტად არ გართულდება.

„რაც უფრო დიდხანს გაგრძელდება [ახლო აღმოსავლეთში] ომი, მით უფრო მეტ რესურს წაიღებს“, - განაცხადა კულებამ.