ევროკავშირის გაფართოება გახდა ჩვენი სტრატეგიული პასუხი მშვიდობის, სტაბილურობისა და კეთილდღეობის მოსატანად დანაწევრებულ სამყაროში, – ამის შესახებ გაფართოების საკითხებში ევროკომისარი ოლივერ ვარჰეი სოციალურ ქსელში წერს.

ვარჰეის თქმით, ევროკავშირმა ქვეყნებს უნდა შესთავაზოს სანდო გაწევრიანების გზა, რომელიც ეკონომიკურ განსხვავებას ამოავსებს.

„ევროკავშირის გაფართოება გახდა ჩვენი სტრატეგიული პასუხი მშვიდობის, სტაბილურობისა და კეთილდღეობის მოსატანად დანაწევრებულ სამყაროში. ჩვენ უნდა შევთავაზოთ სანდო გაწევრიანების გზა, რომელიც მოიტანს შედეგს რეფორმების პროგრესში და ამოავსებს ეკონომიკურ განსხვავებას“, – წერს ვარჰეი.