საჭიროა უკრაინაში ხანგრძლივი ომისთვის მომზადება და უკრაინის თავდაცვის ძალების მხარდაჭერა, - ამის შესახებ ნატოს გენერალურმა მდივანმა, იენს სტოლტენბერგმა განაცხადა.

სტოლტენბერგის თქმით, იმ შემთხვევაში თუ დახმარება იქნება მდგრადი და რეგულარული, უკრაინა სუვერენულ და დემოკრატიულ სახელმწიფოდ დარჩება.

"ჩვენ უნდა მოვემზადოთ გრძელი გზისთვის. ომები თავისი ბუნებით არაპროგნოზირებადია. რაც ჩვენ ვიცით არის ის, რომ ის, რაც ხდება მოლაპარაკებების მაგიდასთან, განუყოფლად არის დაკავშირებული ბრძოლის ველზე არსებულ ვითარებასთან", - განაცხადა სტოლტენბერგმა.