რუსი ოკუპანტების მიერ მოკლული თამაზ გინტური სოფელ კირბალში სამხედრო პატივით დაკრძალეს. 

გინტური გორის საკათედრო ტაძრიდან გამოასვენეს, პანაშვიდი კი გორისა და ატენის მიტროპოლიტმა აღავლინა.

თამაზ გინტურის დაკრძალვის ცერემონიას ესწრებოდნენ რიგითი მოქალაქეები, სამოქალაქო აქტივისტები და პოლიტიკოსები.

ცნობისთვის, რუსეთის საოკუპაციო ძალების წარმომადგენლებმა საქართველოს მოქალაქე თამაზ გინტური მოკლეს და ლევან დოთიაშვილი უკანონოდ დააკავეს. უკანონო პატიმრობაში მყოფი დოთიაშვილი 9 ნოემბერს გაათავისუფლეს.