უკრაინაში კიდევ 2 ქართველი მებრძოლი, რამაზ ფეტელავა და ბექა ლომაშვილი დაიღუპა. აღნიშნულის შესახებ ინფორმაციას "ქართული ლეგიონი" სოციალურ ქსელში ავრცელებს.

"ქართული ლეგიონის" ცნობით, ასევე დაჭრილია 9 მებრძოლი.

"დონეცკის მიმართულებაზე შეტევითი ოპერაციის დროს "ქართული ლეგიონის" 2 მებრძოლი, რამაზ ფეტელავა და ბექა ლომაშვილი დაიღუპა.

დაჭრილია 9 მებრძოლი, მათგან სამის მდგომარეობა მძიმეა.

"ქართული ლეგიონი" სამძიმარს უცხადებს დაღუპულთა ოჯახებს", - ნათქვამია ინფორმაციაში.