ისრაელის არმია აცხადებს, რომ სამხედრო თვითმფრინავებმა ღაზაში "ჰამასის" ლიდერის, ისმაილ ჰანიეს სახლს დაარტყეს. ამის შესახებ ინფორმაციას CNN ავრცელებს.

ისრაელის არმიამ გაავრცელა საჰაერო ვიდეოკადრები, სადაც ნაჩვენებია ძლიერი აფეთქება, რომელმაც ჰანიეს სახლი გაანადგურა.

როგორც ცნობილია, ისმაილ ჰანიე რამდენიმე წელია, ღაზაში არ ცხოვრობს. 

ისრაელის სამხედროები ასევე აცხადებენ, რომ ჩრდილოეთ ღაზაში მდებარე ალ-შათის ლტოლვილთა ბანაკში აღმოაჩინეს და გაანადგურეს "ჰამასის" საზღვაო ძალების იარაღი, მათ შორის მყვინთავების აღჭურვილობა და ასაფეთქებელი მოწყობილობები.