18 ნოემბერს ფინეთი რუსეთის საზღვართან 4 გამშვებ პუნქტს ჩაკეტავს. BBC-ის ცნობით, ამის შესახებ ფინეთის პრემიერ-მინისტრმა, პეტერი ორპომ განაცხადა.

როგორც პრემიერ-მინისტრმა აღნიშნა, იმ  4 გამშვებ პუნქტში, რომლებიც 18 ნოემბერს დაიკეტება შედის : ვაალიმაას, ნუიჯამაას, ნიირალასა და იმატრას სასაზღვრო პუნქტები.

ფინეთის მთავრობა ამ გადაწყვეტილების მიზეზად თავშესაფრის მაძიებელთა რაოდენობის ზრდას ასახელებს, რასაც რუსეთის სასაზღვრო პოლიტიკის ცვლილებას უკავშირებს.

როგორც მედიასაშუალება წერს, შეზღუდვა 2024 წლის 18 თებერვლამდე იმოქმედებს.