დასავლეთი ცდილობს, გაანადგუროს რუსეთი - ისინი ვერასდროს მიაღწევენ წარმატებას,- ამის შესახებ რუსეთის პრეზიდენტმა, ვლადიმერ პუტინმა კრემლში სიტყვით გამოსვლისას განაცხადა.

პუტინის თქმით, რუსეთს ეგონა, რომ უკრაინის ირგვლივ ვითარება თავისით დამშვიდდებოდა, თუმცა, "ასე არ მოხდა და მოსკოვი იძულებული გახდა, ხალხს დახმარებოდა".

"გავაფორმეთ მინსკის შეთანხმებები. მათ თქვეს - "ჩვენ მზად ვართ, შევასრულოთ ისინი". ჩვენ ეს გვსურდა.

გერმანიის ყოფილმა კანცლერმა და საფრანგეთის ყოფილმა პრეზიდენტმაც თქვეს - "ჩვენ არ გვიფიქრია მის შესრულებაზე, ხელი მოვაწერეთ მხოლოდ უკრაინის საომარი მოქმედებებისთვის მოსამზადებლად".

ჰქონდათ რუსეთის განზე გაწევის, მისი დასუსტების მცდელობა. საბოლოოდ მისი განადგურების. მათ არაფერი გამოუვათ, არასდროს",- ამბობს პუტინი.