პოლონეთის სეიმმა პრემიერ-მინისტრად ოპოზიციური კოალიციის ლიდერი დონალდ ტუსკი აირჩია. ამის შესახებ ინფორმაციას გამოცემა Guardian-ი ავრცელებს.

ტუსკის არჩევას მხარი 248 დეპუტატმა დაუჭირა, წინააღმდეგი კი 201 იყო.

ტუსკის თქმით, ახალმა მთავრობამ პირობა დადო, რომ აღადგენს იმ სასამართლო სისტემის დამოუკიდებლობას, რომელსაც, "წინა მთავრობის დროს ძირს უთხრიდნენ".

„ჩვენ ვმუშაობთ მთელ რიგ ზომებზე, რომლებიც მაქსიმალურად აღადგენს კანონის უზენაესობას“, - განაცხადა ტუსკმა.

ახალი მთავრობა მუშაობას მიმდინარე კვირის ბოლოს შეუდგება.