ამერიკის შეერთებული შტატების სენატმა 2024 ფისკალური წლის თავდაცვის ბიუჯეტი დაამტკიცა.

თავდაცვის ბიუჯეტის გეგმას 87-მა სენატორმა დაუჭირა მხარი, 13 კი წინააღმდეგ წავიდა.  

ეროვნული თავდაცვის შესახებ კანონპროექტი 886 მილიარდი დოლარის მოცულობისაა, რაც გასულ წელთან შედარებით 3%-ით მეტია.

თავდაცვის კანონპროექტი, უკრაინისთვის უსაფრთხოების დახმარების ინიციატივის ფარგლებში, 300 მილიონი დოლარის გამოყოფას ითვალისწინებს.

პროექტი წარმომადგენელთა პალატას გადაეგზავნება, მისი კენჭისყრა, სავარაუდოდ, მიმდინარე კვირაში გაიმართება.