საომარი ძალისხმევის მიუხედავად, რუსეთი სამხედრო წარმატების მიღწევას უკრაინაში ვეღარ შეძლებს, - ამის შესახებ ნატოს გენერალურმა მდივანმა, იენს სტოლტენბერგმა განაცხადა.

სტოლტენბერგის თქმით, რუსეთის პრეზიდენტის უკრაინაში შეჭრის მიზანი იყო თავიდან აეცილებინა უკრაინის ნატოსკენ და ევროკავშირისკენ სვლა, მაგრამ თითქმის ორი წლის შემდეგ უკრაინა იმაზე უფრო ახლოსაა ნატოსთან და ევროკავშირთან, ვიდრე ოდესმე ყოფილა.

„პრეზიდენტმა პუტინმა უკრაინა სამუდამოდ დაკარგა“, - განაცხადა სტოლტენბერგმა.