გარდაბანში, ძლიერი ქარის გამო, ქალაქის მთავარი საახალწლო ნაძვის ხის რკინის კონსტრუქცია და ღერძი დაზიანდა. 

გარდაბნის მუნიციპალიტეტის მერიის ცნობით, შემთხვევის შედეგად არავინ დაშავებულა.

"მერიის შესაბამისი სამსახურები მთელი ღამის განმავლობაში მობილიზებულები იყვნენ და ადგილზე მუშაობდნენ.

ადგილზე ასევე იმყოფებოდნენ მუნიციპალიტეტის მერი დავით კარგარეთელი და ადგილობრივი თვითმმართველობის წარმომადგენლები",- ნათქვამია გარდაბნის მერიის ინფორმაციაში.