ყველა რუსული ბირთვული იარაღი, რომლის მიწოდებაც ბელარუსისთვის იყო დაგეგმილი, უკვე ქვეყანაშია,- ამის შესახებ ბელარუსის პრეზიდენტმა, ალექსანდრ ლუკაშენკომ განაცხადა.

ლუკაშენკოს თქმით, ბირთვული იარაღის მიწოდების პროცესი ოქტომბერში დასრულდა.

"ყველაფერი თავის ადგილზეა და კარგ მდგომარეობაშია",- ამბობს ლუკაშენკო.

კითხვაზე, როდის არის შემდეგი სამხედრო წვრთნები დაგეგმილი, ბელარუსის პრეზიდენტმა თქვა:

"ჩვენ ყოველდღე ვსწავლობთ. ყოფილი "ვაგნერელებიც" კი, რომლებიც ჩვენთან რჩებიან, დღეს ჩვენს განყოფილებებში მუშაობენ და გამოცდილებას გვიზიარებენ".