ინდოეთის დედაქალაქ ნიუ-დელიში, ისრაელის საელჩოსთან აფეთქება მოხდა. ამის შესახებ ინფორმაციას Reuters-ი საელჩოს წარმომადგენლებზე დაყრდნობით ავრცელებს.

მომხდარს ისრაელის საგარეო საქმეთა სამინისტროც გამოეხმაურა და აღნიშნა, რომ აფეთქების შედეგად საელჩოს თანამშრომლები არ დაშავებულან.

"ჩვენ შეგვიძლია დავადასტუროთ, რომ დაახლოებით 5:20 საათზე იყო აფეთქება საელჩოს სიახლოვეს", -  განაცხადა ისრაელის საელჩოს სპიკერმა, გაი ნირმა.