დროებით ოკუპირებული აფხაზეთის ე.წ. პარლამენტმა რუსეთისთვის ბიჭვინთის აგარაკების გადაცემის "შეთანხმება" დაამტკიცა.

ამის შესახებ ინფორმაციას Эхо Кавказа "საკანონმდებლო ორგანოს" ე.წ. სპიკერზე, ლაშა აშუბაზე დაყრდნობით ავრცელებს.

ე.წ. პარლამენტის რიგგარეშე სესიას 35-დან 28 "დეპუტატი" ესწრებოდა, მათგან 25-მა "გადაწყვეტილებას" მხარი დაუჭირა.

როგორც გამოცემა წერს, ე.წ. ოპოზიციონერებმა "გადაწყვეტილებას" "სამარცხვინო" უწოდეს და მისი გაუქმება მოითხოვეს.