უკრაინის პრეზიდენტის აპარატის უფროსი ანდრეი ერმაკი სოციალურ ქსელ X-ზე წერს, რომ მას უნგრეთის საგარეო საქმეთა მინისტრ პიტერ სიიარტოსთან სატელეფონო საუბარი ჰქონდა.

ერმაკის ინფორმაციით, მიმდინარეობს მუშაობა უკრაინის პრეზიდენტის, ვოლოდიმირ ზელენსკისა და უნგრეთის პრემიერ-მინისტრის, ვიქტორ ორბანის შეხვედრის ორგანიზებისთვის.

"მე მქონდა პროდუქტიული სატელეფონო საუბარი უნგრეთის საგარეო საქმეთა მინისტრთან პიტერ სიიარტოსთან. უკრაინის პრეზიდენტის ვოლოდიმირ ზელენსკის და უნგრეთის პრემიერ-მინისტრის ვიქტორ ორბანის საუბრის შემდეგ. ჩვენ ვმუშაობთ ორი ლიდერის შეხვედრის ორგანიზებაზე უახლოეს მომავალში", - წერს ანდრეი ერმაკი.