3 იანვარს ავდიივკაზე რუსული სარაკეტო თავდასხმის შედეგად ერთი ადამიანი დაიღუპა და ერთი დაშავდა. ამის შესახებ ინფორმაციას დონეცკის ოლქის რეგიონული ადმინისტრაციის ხელმძღვანელი ვადიმ ფილაშკინი ავრცელებს.

მისივე თქმით, დაახლოებით 11 საათზე რუსებმა ქალაქს 4 რაკეტა ესროლეს.

"ოკუპანტებმა იერიში საცხოვრებელ კორპუსზე მიიტანეს, რის შედეგადაც 51 წლის კაცი ადგილზე გარდაიცვალა, 50 წლის ქალი კი დაზიანებებით საავადმყოფოში გადაიყვანეს", - აღნიშნა ფილაშკინმა.