ინდონეზიაში, ჯავის პროვინციაში სარკინიგზო კატასტროფა მოხდა. როგორც Reuters-ი იტყობინება, ორი სამგზავრო მატარებლის შეჯახების შედეგად, სულ მცირე, 3 ადამიანი დაიღუპა და 28 დაშავდა. 

დასავლეთ ჯავის პოლიციის რეგიონალური წარმომადგენლის განცხადებით, დაღუპული სამივე პირი მატარებლის ეკიპაჟს წარმოადგენდა. 

მატარებლებში სულ 478 მგზავრი იმყოფებოდა. სარკინიგზო ავარიის მიზეზი ამ დროისთვის უცნობია.