ირანის ქალაქ ქერმანში თვითმკვლელი ტერორისტების აფეთქების შედეგად მსხვერპლთა რიცხვი 91-მდე გაიზარდა. ამის შესახებ ინფორმაციას ირანული მედია ქერმანის საგანგებო სიტუაციების სამსახურზე დაყრდნობით ავრცელებს.

ქერმანის საავადმყოფოებში ამ დროისთვის აფეთქებების შედეგად დაშავებული 103 ადამიანი იმყოფება, 11 მათგანის მდგომარეობა მძიმეა.

საერთო ჯამში აფეთქებების შედეგად ქერმანში 277 ადამიანი დაშავდა.

ცნობისთვის, ირანის ქალაქ ქერმანში აფეთქებები 3 იანვარს მოხდა. მომხდარზე პასუხისმგებლობა „ისლამურმა სახელმწიფომ“ აიღო.