რუსეთმა ხერსონი დაბომბა, რომლის შედეგადაც დაიღუპა 2 ადამიანი. ამის შესახებ ინფორმაციას რეგიონის სამხედრო ადმინისტრაციის ხელმძღვანელი ალექსანდრ პროკუდინი ავრცელებს.

როგორც პროკუდინი აღნიშნავს, 24 საათის განმავლობაში რუსეთის ჯარებმა ხერსონის ოლქზე 73 თავდასხმა განახორციელეს.

"რუსეთის არმიამ 310 ჭურვი ისროლა ნაღმტყორცნებიდან, არტილერიიდან, მრავალჯერადი სარაკეტო სისტემებიდან, ტანკებიდან და თვითმფრინავებიდან", - აცხადებს პროკუდინი.