რუსმა ოკუპანტებმა დღეს დონეცკის ოლქში, კრასნოჰორივკას დასახლება დაბომბეს. ამის შესახებ ინფორმაციას დონეცკის სამხარეო ადმინისტრაციის ხელმძღვანელი, ვადიმ ფილაშკინი ავრცელებს.

როგორც ფილაშკინი აღნიშნავს, მომხდარის შედეგად დაიღუპა ერთი და დაშავდა ასევე ერთი ადამიანი.

მისივე თქმით, დაბომბვის შედეგად ერთ-ერთ საცხოვრებელ კორპუსში ცეცხლი გაჩნდა და აღნიშნავს, რომ ადგილზე მაშველები და ადგილობრივი ხელისუფლების წარმომადგენლები იმყოფებიან.