უახლოეს 5 წელიწადში მსოფლიოში კონფლიქტების რაოდენობა კიდევ უფრო გაიზრდება, - ამის შესახებ ბრიტანეთის თავდაცვის მინისტრმა, გრანტ შეპსმა განაცხადა.

მისივე თქმით, „მშვიდობის დივიდენდების“ ეპოქა დასრულდა და დემოკრატიულმა სახელმწიფოებმა, დროა თავდაცვითი ხარჯები მნიშვნელოვნად გაზარდონ.

„ბრიტანეთის, ამერიკისა და კიდევ 10 მოკავშირე სახელმწიფოს ერთობლივი მოწოდების მიუხედავად ჰუსიტებმა წითელ ზღვაში სატვირთო ხომალდებზე თავდასხმები არ შეწყვიტეს. სწორედ ამიტომ მივიღეთ გადაწყვეტილება ამერიკის შეერთებულ შტატებთან ერთად, იემენში ჰუსიტების ლოკაციებზე მიგვეტანა დარტყმები“, - განაცხადა ბრიტანეთის თავდაცვის უწყების ხელმძღვანელმა.