საფრანგეთის პრეზიდენტი ემანუელ მაკრონი თებერვალში უკრაინას ეწვევა. აღნიშნულის შესახებ ინფორმაციას Reuters-ი ავრცელებს.

Reuters-ის ცნობით, მაკრონი უკრაინის პრეზიდენტ ვოლოდიმირ ზელენსკისთან უსაფრთხოების გარანტიის შესახებ შეთანხმებას გააფორმებს.

მედიის ცნობითვე, უახლოეს კვირებში საფრანგეთი უკრაინას SCALP-ის ტიპის შორ მანძილზე მოქმედ 40 რაკეტასა და რამდენიმე ასეულ ბომბს გადასცემს.

„ვაპირებთ, უკრაინას გაცილებით მეტი აღჭურვილობა მივაწოდოთ და დავეხმაროთ იმით, რაც მას სჭირდება თავისი ცის დასაცავად. თავად გავემგზავრები უკრაინაში თებერვალში და გავაფორმებ ამ შეთანხმებებს“, - განაცხადა მაკრონმა.