უკრაინის კანონმდებლობით, მამაკაცს თუ სამობილიზაციო ასაკი აქვს, უკრაინაში უნდა იმყოფებოდეს, შემდეგ, ან იბრძოლებს, ან იმუშავებს, ჩვენ ომში ვართ, ამიტომ, ან მუშაობ, ან იბრძვი, - ამის შესახებ უკრაინის პრეზიდენტმა, ვოლოდიმირ ზელენსკიმ დავოსის ეკონომიკურ ფორუმზე განაცხადა.

როგორც ზელენსკი აღნიშნავს, უკრაინა ფრონტზე ხალხის ნაკლებობას განიცდის.

„უკრაინის კანონმდებლობის თანახმად, მამაკაცს თუ აქვს ასაკი, რომ მობილიზაციის დროს გამოცხადდეს ომში, მაშინ ის უკრაინაში უნდა იმყოფებოდეს. ეს არის ფაქტი. შემდეგ, ან იბრძოლებს, ან იმუშავებს. ჩვენ ომში ვართ, ამიტომ, ან მუშაობ, ან იბრძვი, რადგან ერთი სამხედროს ხელფასი ექვსი-რვა ადამიანის გადასახადია“, - განაცხადა ზელენსკიმ.