თუ უკრაინის დახმარება გვსურს, ეს ევროკავშირის ბიუჯეტის მიღმა და ყოველწლიურ საფუძველზე უნდა გავაკეთოთ, - ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

როგორც ორბანი აღნიშნავს, ევროკავშირს სურს, რომ უკრაინას ფული 4 წლით მისცეს მაშინ, როდესაც ევროპულ არჩევნებამდე სულ რაღაც 5 თვე რჩება.

"მათ სურთ უკრაინას ფული 4 წლით მისცენ მაშინ, როდესაც ევროპულ არჩევნებამდე სულ რაღაც 5 თვე რჩება. მათ არსებითად სურთ ხალხს ჩამოართვან უფლება მიიღონ გადაწყვეტილებები მომავალზე. როგორი ანტიდემოკრატიული პოზიციაა! უნგრეთი არ ეთანხმება ამას. თუ ჩვენ გვინდა უკრაინის დახმარება, მოდით გავაკეთოთ ეს ევროკავშირის ბიუჯეტის მიღმა და ყოველწლიურ საფუძველზე! ეს არის ერთადერთი დემოკრატიული პოზიცია არჩევნებამდე სულ რაღაც 5 თვით ადრე", - განაცხადა ვიქტორ ორბანმა.