2023 წელს მსოფლიოში დაპატიმრებული ჟურნალისტების რაოდენობა მკვეთრად გაიზარდა, - ამის შესახებ ინფორმაციას, ჟურნალისტთა დაცვის კომიტეტი (CPJ) ავრცელებს.

CPJ-ის მიერ გავრცელებულ ინფორმაციაში აღნიშნულია, რომ პირველი დეკემბრისთვის პატიმრობაში 321 ჟურნალისტი იმყოფებოდა. ეს სიდიდით მეორე მაჩვენებელია მას შემდეგ, რაც 1992 წელს ორგანიზაციამ მონაცემის აღრიცხვა დაიწყო.

მსოფლიოს ქვეყნებიდან დაპატიმრებული ჟურნალისტების რაოდენობის ყველაზე მაღალი მაჩვენებელი მოდის ჩინეთზე, სადაც 44 ჟურნალისტია ციხეში, მას მოჰყვებია მიანმარი (ბირმა) 43 დაკავებული ჟურნალისტით და რუსეთი.