ყირგიზეთ-სინძიანის სასაზღვრო რეგიონში 7.1 მაგნიტუდის სიმძლავრის მიწისძვრა მოხდა. ამის შესახებ ინფორმაციას Reuters-ი ავრცელებს.

გამოცემის ცნობით, მიწისძვრა იგრძნობოდა ყაზახეთშიც. ქვეყნის საგანგებო სიტუაციების სამინისტროს ინფორმაციით, მიწისძვრის სიმძლავრე 6.7 მაგნიტუდა იყო. 

როგორც მედია წერს, ქალაქ ალმათიში მოსახლეობამ საცხოვრებელი სახლები დატოვა.

დაშავებულებისა და ზარალის შესახებ ინფორმაცია არ გავრცელებულა.