თბილისში, კეკელიძის ქუჩის N1-ში ოჯახის გამოსახლება მიმდინარეობს. ადგილზე ხმაური და დაპირისპირებაა.

ხატიაშვილების ბინაში აღსრულების ბიუროს წარმომადგენლები ცოტა ხნის წინ შევიდნენ და იქ მყოფ პირებს ტერიტორია დაატოვებინეს.

ადგილზე იმყოფებოდნენ მოქალაქეები, რომლებიც ბიუროს წარმომადგენლებს სიმღერით დახვდნენ. 

მანამდე ისინი ამბობდნენ, რომ ბინაში ცრემლსადენი ნივთიერება შეუშვეს.

ადგილზე პოლიცია და სასწრაფო-სამედიცინო დახმარების ჯგუფია მობილიზებული.