რუსეთის ფედერაციაში, ბელგოროდში ჩამოვარდნილი თვითმფრინავის ბორტზე 65 უკრაინელი ტყვე იმყოფებოდა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ქვეყნის თავდაცვის სამინისტროზე დაყრდნობით ავრცელებს.

უწყების ცნობით, ბორტზე კიდევ 9 ადამიანი - ეკიპაჟის 6 წევრი და 3 თანმხლები პირი იმყოფებოდა.

რეგიონის გუბერნატორის, ვიაჩესლავ გლადკოვის განცხადებით, ბორტზე მყოფი ყველა ადამიანი დაიღუპა.

შემთხვევის ადგილზე ამ დროისთვის საგამოძიებო მოქმედებები მიმდინარეობს.

ცნობისთვის, ბელგოროდში სამხედრო-სატრანსპორტო თვითმფრინავი, Ил-76, ადგილობრივი დროით, დაახლოებით, 11:00 საათზე ჩამოვარდა.