„ჰუსიტები“ აშშ-ისა და დიდი ბრიტანეთის მოქალაქეებს მოუწოდებენ, რომ იემენი ერთ თვეში დატოვონ, - ამის შესახებ ინფორმაციას სააგენტო Reuters-ი ავრცელებს.

„ჰუსიტების“ მიმართვის ადრესატები გაეროსა და საერთაშორისო ჰუმანიტარულ ორგანიზაციებში მომუშავე ამერიკელები და ბრიტანელი დიპლომატები არიან.

მანამდე, ამერიკის შეერთებულმა შტატებმა იემენელი „ჰუსიტები“ ტერორისტთა სიაში დააბრუნა.

შეგახსენებთ, 12 იანვარს ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.

ამერიკის შეერთებული შტატების პრეზიდენტის, ჯო ბაიდენის განცხადებით ამერიკელმა სამხედროებმა იემენში დარტყმები მისი ბრძანებით მიიტანეს.