უკრაინამ  რუსული Су-34 ჩამოაგდო. უკრაინული მედიის ინფორმაციით, ამის შესახებ ქვეყნის შეიარაღებული ძალების გენერალური შტაბის სპიკერმა, ანდრიი კოვალევმა განაცხადა.

კოვალევის თქმით, რუსულმა თვითმფრინავმა კატასტროფა ლუგანსკის რეგიონში განიცადა.

უკრაინის შეიარაღებული ძალების გენერალური შტაბის თანახმად, გასული დღე-ღამის განმავლობაში, უკრაინაში რუსეთის 35 უპილოტო საფრენი აპარატი, 10 ტანკი, 29 ჯავშანტექნიკა, 31 საარტილერიო სისტემა, 3 საჰაერო თავდაცვის მანქანა, 42 ერთეული საავტომობილო ტექნიკა და სატანკო მანქანა და 5 ერთეული სპეცტექნიკა განადგურდა.