ომის დასრულების შემდეგ, ისრაელი ღაზის სექტორზე სამხედრო კონტროლს შეინარჩუნებს, - ამის შესახებ ისრაელის თავდაცვის მინისტრმა, იოავ გალანტმა განაცხადა.

როგორც გალანტი აღნიშნავს, ისრაელი ღაზას სექტორს გააკონტროლებს სამხედრო გზით, მაგრამ სამოქალაქო გაგებით კონტროლს არ აიღებს.

"ომის შემდეგ, როდესაც ის დასრულდება, ვფიქრობ, სრულიად ნათელია, რომ "ჰამასი" ღაზას არ გააკონტროლებს. ისრაელი გააკონტროლებს [მას] სამხედრო გზით, მაგრამ არ გააკონტროლებს მას სამოქალაქო გაგებით", - განაცხადა გალანტმა.