უკრაინის საკითხზე შეთანხმების მიღწევა ევროკავშირის სანდოობისთვის სასიცოცხლოდ მნიშვნელოვანია, - ამის შესახებ ევროპული საბჭოს პრეზიდენტმა, შარლ მიშელმა განაცხადა.

როგორც შარლ მიშელი აღნიშნავს, ევროკავშირის სამიტზე  ლიდერები გამოიყენებენ შესაძლებლობას, რათა უკრაინისათვის ევროპული სამხედრო დახმარების ყველა ასპექტი განიხილონ.

"შეთანხმების მიღწევა სასიცოცხლოდ მნიშვნელოვანია ჩვენი სანდოობისთვის - უკრაინისადმი ჩვენი ურყევი მხარდაჭერისთვის. გვეკისრება პასუხისმგებლობა გამოსავლის პოვნასა და მის განხორციელებაზე", - განაცხადა შარლ მიშელმა.