ისრაელის თავდაცვის ძალები (IDF) აცხადებს, რომ გასული დღის განმავლობაში, ღაზას სექტორის სამხრეთით, „ჰამასის“ ათობით მებრძოლის ლიკვიდაცია განახორციელეს.

უწყების ცნობით, მოქმედებას ღაზას სამხრეთით მდებარე ქალაქ ხან-იუნისში აგრძელებენ.

„ჯარებმა ჩაატარეს მიზანმიმართული რეიდები სხვადასხვა ტერორისტულ ობიექტზე, რომლებშიც ყუმბარები, ასაფეთქებელი მოწყობილობები, სამხედრო ტექნიკა და საბრძოლო მასალა იყო აღმოჩენილი“, - ნათქვამია თავდაცვის ძალების მიერ გავრცელებულ განცხადებაში.