აზერბაიჯანის ცენტრალური საარჩევნო კომისიის თავმჯდომარემ მაზაჰირ ფანაჰოვმა ვადამდელი საპრეზიდენტო არჩევნების წინასწარი შედეგების შესახებ პრესკონფერენცია გამართა. ამის შესახებ ინფორმაციას აზერბაიჯანის მედია ავრცელებს.

როგორც ცესკოს თავმჯდომარემ განაცხადა, 6,537 საარჩევნო უბნიდან 6,102-ის შედეგები უკვე დაითვალეს, რაც საერთო რაოდენობის 93,35%-ს შეადგენს. 

ოქმების მიხედვით დათვლილი მოქმედი ხმების რაოდენობამ 4 651 473 შეადგინა, საიდანაც 4 281 625 ხმა (92,05%) ილჰამ ალიევმა აიღო.