რუსებმა სუმის რეგიონში საცხოვრებელი კვარტალი დაბომბეს. ამის შესახებ ინფორმაციას სუმის რეგიონული სამხედრო ადმინისტრაცია ავრცელებს.

მათივე ცნობით, მომხდარის შედეგად დაიღუპა 3 და დაშავდა 4 მშვიდობიანი მოქალაქე.

"წინასწარი ინფორმაციით, დაიღუპა 3 ადამიანი, დაშავდა 4. ნანგრევების გაწმენდა გრძელდება. ადგილზე ყველა საჭირო სერვისი მუშაობს", - აღნიშნავენ სუმის რეგიონულ სამხედრო ადმინისტრაციაში.