სლოვაკეთის პრემიერ-მინისტრი რობერტ ფიცო უკრაინის ნატოში გაწევრიანებას ეწინააღმდეგება. ამის შესახებ ინფორმაციას სლოვაკური მედია ავრცელებს.

როგორც ფიცო აღნიშნავს, უკრაინის ალიანსში შესვლა მესამე მსოფლიო ომის დაწყების მიზეზი იქნება.

"რუსეთი უკრაინის მიტაცებულ ტერიტორიებს არ დათმობს და არც ანექსირებული ყირიმიდან გავა. მშვიდობის დასამყარებლად კი, დასავლეთს ამ ახალ რეალობასთან შეგუება მოუწევს", - განაცხადა სლოვაკეთის პრემიერ-მინისტრმა.