ნიუ-იორკის შტატის სასამართლომ დონალდ ტრამპი უძრავ ქონებასთან დაკავშირებულ საქმეზე დამნაშავედ ცნო და, ჯარიმის სახით, 355 მილიონი დოლარის გადახდა დააკისრა. ამის შესახებ ინფორმაციას BBC ავრცელებს.

გარდა ჯარიმისა, აშშ-ის ყოფილ პრეზიდენტს ნიუ-იორკის შტატში ბიზნესსაქმიანობა სამი წლით აეკრძალა.

ნიუ-იორკის პროკურატურა ტრამპს თაღლითობაში, დოკუმენტების გაყალბებასა და ცრუ ფინანსური ანგარიშების შედგენაში სდებდა ბრალს.